मुंबई । मुख्यमंत्री देवेंद्र फडणवीस यांनी आज भारत गौरव अंतर्गत ‘छत्रपती शिवाजी महाराज सर्किट’ रेल्वे फ्रॉम छत्रपती शिवाजी महाराज टर्मिनस (CSMT), मुंबई येथून तिरंगा झेंड्याखाली झेंडावंदन करून सुरू केली.
यावेळी बोलतांना मुख्यमंत्री फडणवीस म्हणाले, छत्रपती शिवाजी महाराज यांचा आणि स्वातंत्र इतिहास जिवंत ठेवण्याचे काम रेल्वेच्या माध्यमातून होणार आहे. या रेल्वेतून सातशेपेक्षा अधिक प्रवासी प्रवास करत आहेत. यातील ८० टक्के प्रवासी हे चाळीस वर्षाच्या आतील आहेत. जे आज छत्रपती शिवाजी महाराजांचा इतिहास पाहण्यासाठी जात आहेत.
राज्यातील सर्व प्रवाश्यांना या सर्किट रेल्वेच्या माध्यमातून इतिहास पाहण्याची संधी मिळणार असल्याचे फडणवीस यांनी सांगितले. रेल्वेतून प्रवास करणार्या पर्यटकांचे रेल्वे स्थानकावर महाराष्ट्र पर्यटन विकास महामंडळाकडून पारंपारिक ढोल ताशांच्या गजरात स्वागत करण्यात आले. पर्यटकांना पुष्पगुच्छ देउन शुभेच्छा देण्यात आल्या. तसेच राज्यातील पर्यटनाच्यादृष्टीने तयार करण्यात आलेली माहिती पत्रके वाटून माहिती देण्यात आली.
या पाच दिवसांच्या विशेष टूरमध्ये छत्रपती शिवाजी महाराज यांच्या जीवनाशी संबंधित महत्वाच्या ऐतिहासिक स्थळांना भेट, इतिहासावर आधारीत कार्यक्रम आयोजीत केले आहेत.
या ठिकाणांना देणार भेटी रायगड किल्ला – महाराजांच्या राज्याभिषेकाचे स्थान. लालमहल, कासबा गणपती, शिवसृष्टी (पुणे) – बालपणाची ओळख व संग्रहालय. शिवनेरी किल्ला – जन्मभूमी. भीमाशंकर ज्योतिर्लिंग – धार्मिक महत्त्व. प्रतापगड – अफझल खानाबद्दल विजयी लढाईची जागा. कोल्हापूर (महालक्ष्मी मंदिर) व पन्हाळा किल्ला – बाजीप्रभू देशपांडे यांच्या शौर्याचे व किल्ल्याचे स्थान .
